ahötsa_

“Espazio feministak eta elkarguneak sortzeko jaio dira jardunaldi feministak, bai eta Iruñeko Txoko Feminista indarberritzeko eta sareak josteko ere. Erresistentziak eraiki eta ideiak trukatu nahi ditugu. Gozatzea da helburua”. Horra Txoko Feministan antolatutako jardunaldien aurkezpena.
“Elkarlanaren eta jakin-minaren habia” izan daitezen nahi dute antolatzaileek, ez “erantzun bat eta bakarra” eskaintzeko, baizik eta “lanean ari diren mugimenduei hitza emateko”.

Egitaraua, anitza bezain zabala izanen da, bihartik hasita:
 Osteguna 28
    •    16:00etan. Tailerra. Autodefentsa feminista. Bilgune Feminista. Parte hartzeko idatzi jornadastxokofeminista@gmail.com emailera. Ez mistoa.
    •    19:30ean. Jardunaldien aurkezpena.
    •    20:00etan. Tailerra: “Nola biziraun bollera gisa Iruñean, saiakeran hil gabe”. Zikutak kolektiboa. Bollerentzat soilik. *

 Ostirala 29
    •    11:00ean. Tailerra. “Maitasun erromantikoaren mitoak deseraikitzen”. Alicia Pano. Ez mistoa. *
    •    20:00etan. Hitzaldi-solasaldia. “Ekofeminismoa”. Silvia Larrañeta eta Ana Dominguez. Ez mistoa. *
    •    22:00etan. Afari beganoa.

 Larunbata 30
    •    10:00etan. Kafe-tertulia. “Emakumea eta kartzela”. Preso politiko ohien bizipenak. Mistoa. *
    •    11:45ean. Hitzaldia. “Okupazioa eta feminismoa”. Oihu-k. Ez mistoa
    •    13:00etan. Solasaldia. “Nafarroako emakume nekazariekin borrokak eta ilusioak partekatzen”. Mugarik gabe. Mistoa. *
    •    14:30ean. Bazkari beganoa.
    •    16:00etan. Tailerra. “Feminismoa eta biolentzia. Zilegia, eraginkorra eta beharrezkoa al da biolentzia borroka feminista molde gisa?”. Farrukas. Ez mistoa.*
    •    19:30ean. Liburu aurkezpena. “Gure genealogia feministak”. Bilgune feminista. Mistoa.
    •    22:00etan. Afari beganoa.

*Erdaraz izanen da
Ez-mistoa: Emakume, bollera eta transentzat.
Mistoa: Edozeinentzat.
Jardunaldietan Mugarik Gabe eragilearen argazki erakusketa egonen da ikusgai: “Emakumeen borroka eta antolakuntza”.