ahötsa_

“Oroimena beti ernetzen den hazia da. Horregatik, larunbat honetan, uztailaren 18an, bailarako bizilagunak elkartu gara Basaburua frankismoko sinbologiaz garbitzeko eta, batez ere, oroimena sendatzeko”, ohartarazten dute omenaldiaren antolatzaileek.

Nemesio Delgado maisuaren, Javier Iturbide medikuaren eta Miguel Arano gudariaren omenez egin zuten ekitaldia. “Haien izenetan gogoratu eta besarkatu nahi ditugu altxamendu faxistaren urradura jasan zuten gure haraneko berrogei arima baino gehiago”.

Basaburuko Ahaztuak elkarteak berretsi zuen “historia ehuntzen jarraitzeko konpromiso hautsezina, egia lurpetik ateraz, justizia zabalduz eta gure auzotarrei gure herrien bihotzean beti izan behar zuten ohore- eta duintasun-lekua itzuliz”.

Erbiti herriko sarreran dagoen sinbologia frankista ezabatu zuten.