ahötsa_

Iturramako jaiak ostiralean hasiko dira, baina pasa den astelehenetik usaintzen da auzoan festa giroa. Izan ere, Aste Kulturalaren baitan hitzaldiak, bertso saioa eta kontzertuak antolatu ditu Jai Batzordeak. Gaur osteguna, hainbat ekitaldi eginen dituzte, horien artean pintxo pote eta musika emanaldi bat.

Ostiralean, txupinazoa jaurtiko dute arratsaldeko 19.30etan, eta hortik aurrera jai giroa auzoan zabalduko da: musika, dantzak, zezensusko, afari herrikoia, kontzertuak..

Larunbatean goiz hasiko da jaietako egitaraua dianekin. Kirol jarduerak izanen dira auzoan, eta eguerdian herri bazkaria, beste hainbat ekitaldiez gain. Musika eta dantzarekin alaituko dute arratsaldea, eta gauean berriz kontzertuak txosna gunean.

Igandean ere goizean goiz hasiko da egitaraua, eta haurrendako izanen diren jardueraz gain, eguerdian kaldereteak prestatzen hasiko dira kuadrilak. Arratsaldean musika izanen da gaueko 12ak arte, eta orduan bai jaien amaiera izanen da.