Urbasa Andian Parke Naturalean Aldane eta Green Capital enpresek egin nahi duten parke eolikoa eta goi tentsioko azpiegituraren aurkako mugimendua indartzen ari da Lizarraldean. Lezaun, Gesalatz eta Iturgoien herrien inguruetan ia 200 metroko 13 errotak aurreikusten ditu enpresa horiek aurkeztutako proiektuan, eta honek eragin handiak izanen ditu ingurugiroan eta bertakoen bizimoduan. Nafarroako Gobernuari moratoria bat eskatu diote.
