Nafar ikasle guztien hizkuntza eskubideak babestuko dituen Euskara Lege berri bat aldarrikatu du Ikamak
Sarrera: Euskararen Legea onartu zenetik 35 urte pasa diren honetan, agerikoak dira lege honek sortu dituen arazoak. Ikama ikasle mugimenduak salatu duenez, lege honek nafarren arteko ezberdintasunak eragiten ditu. Izan ere, "eremu ez euskalduna" deituriko zonaldetako ikasleek ez dituzte euskaraz ikasteko eskubide eta aukera berdinak, eta egoera horrekin amaitzeko garaia dela aldarrikatu du Ikamak Iruñean egindako manifestazioan.
