Langile bat hil da lan istripu batean Olaztiko Portland enpresan
Gaur Altsasuko 32 urteko langile bat hil da Olaztin, bertako Cementos Portland enpresan. Azken honekin, 15 dira urte hasieratik Euskal Herrian hildako langileak. LAB, CGT/LKN, ESK, STEILAS, EHNE eta HIRU sindikatuek kontzentrazioa deitu dute biharko, otsailaren 16an, 19:00etan, Altsasuko Iortia plazan. 2024ko lehenengo aste hauetan, osotara 15 hildako izan dira Euskal Herrian, horietatik 6 Nafarroan.
2024-ko otsailak 21
Ostegun honetako arratsaldeko lehen orduan 32 urteko gizon bat bere lanpostuan hil da. Honekin, Nafarroan urtea hasi zenetik 6 lagun hil dira lan istripuetan.
Sindikatuek erreakzionatzen hasi dira. CCOOk prentsa ohar bat kaleratu du lan istripu kopuru hau “onartezina” adieraziz. “Laneko ezbeharren gaitzak langileria astintzen jarraitzen du Nafarroa. Foru Erkidegoa da oraindik indize handiena duen lurraldeetako bat istripu kopurua langile kopuruaren arabera. CCOOren iritziz, jarduera horiek murriztea lehen mailako agindua izan behar du Nafarroako Gobernuarentzat eta inplikatutako eragile guztiak. CCOOk patronalei dei egin nahi die zorrotz jokatzeko Laneko Arriskuen Prebentzioari buruzko Legea betez”.
ELAk, bere aldetik, gogoratu du 2022ko irailean beste langile bat hil zela orga jasotzaile batek harrapatuta enpresa berean. “Egoera horren erantzule nagusiak patronala eta erakunde publikoak dira”, dio sindikatu honek.
Elkarretaratzea Altsasun
LAB, CGT/LKN, ESK, STEILAS, EHNE eta HIRU sindikatuek, bere aldetik, “Patronalak eta instituzioek gaixotu eta hiltzen gaituzte” lelopean kontzentrazioa deitu dute biharko, otsailaren 16an, 19:00etan, Altsasuko Iortia plazan.
Gehiago
