ahötsa_

Euskal Herriko Torturatuen talde sustatzailearen aurkezpenea egin da Bilbon, diotenez, gertatukoaren kontakizun osoa plazaratzeko unea baita. Euskal Herrian torturatuak izan diren artean sare bat osatzeko lan egingo dute. Eta lan ildo horretan, “torturatuak elkarlotzen dituen sufrimenduaren hari hori elkartasun sare bihurtzeko prozesua” aurrera erman eta “hainbat herrialdetako torturatuak aitortzaren bidea urratzeko agente aktibo izateko hautua” aldarrikatu dute.

Bestalde, Talde Sustatzaileko kideek agerraldian, Euskal Herriko herri eta eskualdeetako pertsona torturatuekin batu eta hitz egiteko konpromisoa hartuko dutela baieztatu dute. Eta gainera, guztiak gonbidatu dituzte sarera batzera, eta bertan, “babesa, indarra eta baita merezi duten aintzatespena ere” aurkituko dutela azaldu dute. Bukatzeko, Euskal Herri osoko torturatuak bilduko dituen hitzordu bat iragarri dute urtebete barrurako.