ahötsa_

Xulufrinak taldeko kideek irakurritako oharrean aipatu zutenez, «indarkeria matxistak hamaika aurpegi ditu. Bestaz emakumeon ipurdiak ukitzetik, kolpe bat emateraino; irain eta txiste matxistetatik, emakumeak erailtzeraino. Baina emakumeen aurkako indarkeria ez da sekula kasu isolatu bat. Gizarte matxista bat du oinarrian, alegia, gizonek emakumeak azpiratzen dituzten sistema bat».

Joan den astean Nafarroan sei gizon atxilotu zituzten emakumeen aurkako indarkeria fisikoa leporatuta eta «nazkatuak gaude! Eta, horregatik, bertze behin elkartu gara plazan hori salatzeko» azpimarratu zuten.

Xulufrinak Lesakako Sare Ferministako kideek azpimarratu zutenez, «aunitzetan, gainera, iritzi publikoak emakumeok jotzen gaitu erruduntzat, berriz ere biktimizatuta. Feministok, ordea, argi dugu: gure artean saretuta eta autodefentsa feminista praktikan jarriz lortuko dugu eraso hauek guziak desagertzea».

Beraien babesa eman nahi izan zieten indarkeria motaren bat pairatzen duten emakume guziei, «zuekin gaude! Aski da! Eraso matxistarik ez! Gora borroka feminista!» aldarrikatuz.