ELAk greba mugagabea deitu du Atarrabiako San Andres paper-lantegian
Aste batzuk lanuzte partzialak edo egun solteak egin ondoren, ELAk greba mugagabea deitu du azaroaren 9tik aurrera Atarrabiako lantegian hitzarmenak KPIren gutxieneko igoera lortzeko, eta gainerako sindikatuak bat egitera animatu ditu.
2022-ko azaroak 4
Atarrabiako Solidus San Andrés paper-lantegiko langileek hainbat aste daramatzate ELAk deitutako 2 orduko edo egun solteko lanuzte partzialak egiten, gutxienez KPIren pareko soldata-igoerak lortzeko.
Joan den astelehenean, urriaren 31n, zuzendaritzarekin izandako azken bileran, enpresak ia ez zuen ezer garrantzitsurik aurreratu, dio ELAk. Horregatik atal sindikal honek azaroaren 9tik aurrera greba mugagabera joateko erabakia hartu du. “Horrela, ekoizpena gelditu egingo da, egindako lanuzte-egunetan gertatu den bezala”, dio sindikatuak.
ELAk “langile grebalarien borroka eta determinazioa” nabarmendu du, eta gainerako sindikatuak ere mobilizazioekin bat egitera animatu ditu.
Gehiago
