ahötsa_

Azken egunetan, Geroa Bai, UPN, PP eta PSOE-PSN alderdien propaganda politikoan aldaketak sumatu ditu oinezkoak. AHTren aldekoen propagandan azpiegitura horren aldeko mezuak ageri dira. Eranskailuen bidez “azpiegitura hori eraikitzeak alderdi horiei dakarkien negozioa adierazten da”, azaldu du Mugituk. “ADIFeko dozenaka goi-kargudun, hainbat tartetako enpresa esleipendunen exekutiboak eta azpiegitura horren eraikuntzarekin lotutako praktika usteletan inputatutako politikariak daudela”, gogora ekarri du Mugituk. Ustelkeriaren haria hartuz, Mugitu gogoratu du Europako Kontuen Auzitegiak “inolako justifikaziorik gabeko obra askoren aurrekontu-desbideratze eskandalagarriak” salatu zituela. “Alderdi horietako politikariek “hozkada” goxoak jasotzen dituzte beren enpresa lagunei iruzurrezko esleipenak egiteko orduan”, baieztatu du AHTren aurkako mugimenduak.

“Azpiegitura hori lurraren suntsiketan, baliabide material eta energetikoen xahutzean, lan-baldintzen prekarizazioan, murrizketa-politiken larriagotzean eta ohiko trena pobretzean oinarritutako ereduaren sinonimoa “dela azpimarratu du Mugituk.