ahötsa_

Izan ere, euskara ikasteko bigarren arrazoi nagusia lan egoera eta curriculuma hobetzea da: “Haien helburua erdiesteko metodo eraginkorra eskaintzen diegu”.

Izena emateko epea “prozesu hotz eta mekanikoa” izan daitekeen arren, AEKrentzat “gizartea eraldatzen jarraitzeko une garrantzitsueneko bat” dela azpimarratu dute: “Ez da izen-emate hutsa, ekintza sozial garrantzitsua baizik: euskarara hurbiltzea eta ulertzen hastea, euskaraz komunikatzeko bezainbesteko gaitasuna eskuratzea… herritarrek urrats garrantzitsuak egiten dituzte, eta pertsona gehiago izatera animatzen ditugu, hizkuntzen arteko berdintasunean oinarritzen den gizartea dugulako helburu”.

Gogoratu dutenez, “erakunde askok” diru laguntzak ematen dituzte euskara ikasteko: “Horien artean, zuzenki aipatu nahi ditugu urrats berriak eman dituzten Bizkaiko Aldundia, Arabako Aldundia eta Iruñeko Udala”. Diru laguntza, ikastaro eta bestelako informazio guztia euren webgunean dute.

Nafarroako Ikasle Besta, irailaren 21an

Aurten ere, hirugarrenez, euskara ikasleen besta ospatuko du Nafarroako AEK-k. Iruñeko Zentral Kafe Antzokian izanen da hitzordua eta hainbat ekintza eskainiko dituzte: musika emanaldiak, mintzodromoa, bestelako ikuskizunak, lehiaketa, sorpresak eta bestelakoak.