AHTren zundaketak errefusatu ditu Iturmendik
"Ez dugu gure herrian AHT-ren lanak aurrera eramateko beharrezkoak diren inolako zundaketarik onartuko, ez zundaketa horiek baimenduko ezta inolako laguntzarik eskainiko horiek aurrera eramateko. Zundaketa horiek zein, eta batez ere, ondoren etorriko diren AHT-ren obrak gure bailara inoiz ikusi ez den moduan suntsituko baitute."
2025-ko abuztuak 5
Idazki baten bidez, Iturmendiko Udala osatzen duten bizilagunek adierazi dute ez dutela onartuko AHTren obretarako inolako zundaketarik, eta ez dutela inolako laguntzarik emango obrak egiteko. Salatu dutenez, “AHT euskal herritarren nahien eta beharren aurkako proiektu murriztaile, suntsitzaile eta xahutzailea da”, eta trenbide-sare publikoa berritzeko eskatu dute, ikuspegi ekologiko eta sozial batetik.
