Urriaren 12an, independentziaren aldeko mobilizazioa Bilbon
Independentistak Sareak deituta, "Gora Euskal Errepublika" lemapean mobilizazio ekimen nazionala burutuko da, goizeko 11:30etik aurrera Bilboko plaza Zirkularretik plaza Eliptika dagoen tartean.
2014-ko urriak 9
Datorren igandean, urriak 12, Bilbon "Gora Euskal Errepublika" lemapean mobilizazio ekimen nazionala burutuko du Independentistak Sareak.
Mobilizazio hau goizeko 11:30etik aurrera Bilboko plaza Zirkularretik plaza Eliptika dagoen tartean burutuko da. Ez da ohiko manifestazioa izango, mobilizazio dinamiko eta parte-hartzailea egingo dute. Jendea espaloietatik dabilen bitartean, sektore, alor eta esparru ezberdinen aldarrikapenak kalearen erdialdean landuko dituzte. Une zehatz batean sirena hotsa entzungo da eta orduan denen artean kalearen erdialdea okupatuko dute.
Mobilizazio/ekimen jendetsua eta alaia izatea nahi du Independentistak sareak. Horregatik, parte hartu nahi duten musika eta animazio taldeei dei egiten diete haiekin harremanetan jartzeko 943 56 18 53 telefonoaren bidez edo info@independentistak.net email helbidearen bidez.
Gehiago
