Maiatzaren 2tik aurrera, greba mugagabea Nafarroako haur eskoletan
0-3 Plataformak haur eskoletako greba deialdiari eutsi dio Hezkuntza Departamentuaren eta Nafarroako Udal eta Kontzejuen Federazioarekin bilera bat egin eta gero. Plataforma negoziazio mahaiko kide moduan onar dezatela exijitzen du.
2022-ko apirilak 28
Nafarroako 0-3 Plataformak maiatzaren 2tik aurrera haur eskoletan deitu duen grebari eustea erabaki du, Foru Gobernuko Hezkuntza Departamentuarekin eta Nafarroako Udal eta Kontzejuen Federazioarekin (NUKF) bilera egin eta gero.
Eider Garde plataformako ordezkariak adierazi duenez, “bilera luze samarra izan da”, eta “aurrekontuen akordioan zuten Hezkuntza eta NUKFren arteko erakundea” osatu dute. “Gonbidatu gisa joan gara, adierazi dugu plataformak uste duela beharrezkoa dela eragile horiekin eta plataformarekin mahai bat sortzea, eta ez gonbidatu gisa, agente aktibo gisa baizik”. Garderen arabera, “Hezkuntza Departamentuak argi utzi du proposamen hori errefusatzen duela”. Halaber, “NUKFk eskatu digu plataformak greba bertan behera uzteko, baldin eta talde hori aktibatzen bada”.
Azkenik, plataformak adierazi du ez lukeela greba bertan behera utziko: “Ez dago ezer idatzita, ez dago konpromiso irmorik, ez dago helburuez hitz egiten duen egutegirik, ez dago ezer argi, gaur egun hori sortzea besterik ez da -erakunde hori, alegia-, eta NUKFk oraindik ez du onartu erakunde horren funtzionamendua, haiek ere baloratu behar duten funtzionamendu-proposamen bat helarazi baitiete gaur”.
Plataformak NUKFri eskatu dio argitzeko “funtzionamendu hori nolakoa izango den eta zenbateraino aurreikusten den plataformaren parte-hartzea, une puntualei buruz hitz egiten digutelako”. “Greba bertan behera uzteko nahikoa ez dela esan dugu eta asteleheneko deialdian mantentzen gara”, azaldu du Eider Gardek.
Gehiago
