ahötsa_

Lekualdatze lehiaketetan, Nafarroako Gobernuak elebidunak tratatzen ditu

gaztelaniaz ez balekite bezala. Pertsona batek Administrazioan lanpostu bat lortzen

badu eta postu horretarako euskara jakitea beharrezkoa bada, gero betiko debekaturik

du euskara nahitaezkoa ez duen beste postu batera aldatzea. Hala jokatu du

Nafarroako Gobernuak psikologoen lekualdatze lehiaketan (2017ko otsailaren 23ko

Nafarroako Aldizkari Ofiziala, 310/2017 Ebazpena, 3.4 oinarria), baita

fisioterapeutenean ere (2017ko martxoaren 21eko NAO, 632E/2017 Ebazpena, 1.12

oinarria). 

UPNko Gobernuak, 2009. urtetik 2015. urtera (boterea galdu arte) ingelesa

baloratu zuen A eta B mailatarako oposizioetan, deialdi osoaren %10 arte. Ingelesaren

probari esker jende askok lortu zuen lanpostua, eta orain lasai parte har dezakete

edozein postutarako lekualdatze lehiaketetan. Eta zuzena da, izan ere oso ongi dakite

gaztelaniaz. Inongo alderdi politikok edo sindikatuk ez lioke horri trabarik jarriko.

Euskararekin berdin jokatu behar da. Beraz, noiz arte euskaldunen kontrako

apartheida Nafarroako Gobernuaren Administrazioan?