ahötsa_

Indarrean dagoen Euskararen Legeak herritarrei bizi diren herriaren arabera diskriminatzen dituela salatu dute arau honek 36 urte betetzen duen egunean. Horregatik, legea bertan behera uzteko eta eskubide berdintasunean oinarritutako lege berri bat onartzeko eskatu dute.

Bestalde, Nafarroako lurralde osoan euskara ofiziala izatearen aldeko ofizialtasuna kanpaina aurkeztu dute. Momentuz, irailean Euskararen Nafar Kontseiluak onartutako adierazpenarekin bat egin duten 70 gizarte eragileren atxikimendua jaso dute. Atxikimendu berriak emateko aukera ireki dute.

Agerraldian izan dira, Idurre Eskisabel Kontseiluko idazkari nagusi berriaz gain, Nafarroako Ikastolak, Sortzen elkartea, Nafarroa osoko AEK eta IKA euskaltegiak, Topagunea, Euskal Herrian Euskaraz eta Hizkuntz Eskubideen Behatokia. 

Herritarren arteko bereizkeria eragiten duen legea ospatzeko arrazoirik ez dagoela uste dute, izan ere “euskaldunak zokoratzeko” eta “herritarren arteko berdintasunarekin apurtzeko” legea dela diote.  “Beste eskubideetan ez bezala, hizkuntza-eskubideetan herritarrei bizi diren herriaren arabera aitortzen zaizkie eskubideok. Udalerri batean bizitzeagatik, umeak eta haurrak ezin izatea herriko eskolan euskarazko ereduan matrikulatu. Herri jakin batean bizitzeagatik, medikuaren edo administrazioaren aurrean ezin izatea euskaraz artatua izan, edota tramiteak euskaraz egiteko amaigabeko oztopoak eta ezintasunak jasatea”, aipatu dute.

Eragile hauek 2016an idazluma eman zioten Nafarroako Parlamentuko presidenteari Euskararen Lege berri bat idatz zezaten, berdintasunaren, kohesioaren eta justizia sozialaren oinarrituta. “Tamalez ez da halakorik gertatu”, eta kezka azaldu dute azken boladan hartzen ari diren zenbait erabakiengatik, tartean, Nafarroan berezkoak ez diren hizkuntzei, berezkoa den euskarari baino prestigio handiagoa ematea. “Euskararen Legearen irakurketa zurrunen ondorioz, euskaldunak are zokoratuago bizi dira haien lurraldean, eta ez da justiziazkoa, inondik inora ez. Horregatik, inoiz baino beharrezkoagoa da hizkuntza-justizia, hizkuntza-kohesioa eta hizkuntza-berdintasun erdigunera ekartzea, eta hiru justizia-mota horiek errealitate bihurtzeko aukera bakarra dago: ofizialtasuna.”

Eta bide horretan urrats berriak emateko asmoarekin, Euskararen Nafar Kontseiluak 2022ko irailaren 16an egin zuen bilkuran aurkako botorik gabe onartu zuen euskararen ofizialtasunaren gaineko adierazpena. Honen bidez, Nafarroako Gobernua premiatu zen euskara Nafarroako Foru Komunitate osoan ofiziala izan dadin Euskarari buruzko Foru Legea lehenbailehen aldatzera. Eta aldarrikapen hau sektore ezberdinetara eramateko helburuarekin hurrengo asteotan lanketa berezitua egingo dute Nafarroa osoko askotariko eragileek bat egin dezaten aipatu deklarazioarekin.

“Egia esan, aurreko egunotan ekin diogu lanketari, eta harrituta gaude izandako harrera onarekin”, azpimaratu dute, eta atxikimenduak jasotzen jarraituko dutela iragarri dute. Adierazpenari atxikimendua eman nahi dioten eragile eta elkarteek nafarroa@kontseilua.eus posta elektronikora idatzi beharko dute.

Atxikimenduen zerrenda:
    1.    Administrazioa Euskaraz Taldea
    2.    Alaitxo Ezkaba Ikastetxeko Guraso Elkartea
    3.    Altaffaylla Fundazioa
    4.    Andra Mari Ikastola
    5.    Aralar Udal Musika Eskola
    6.    Argia
    7.    Argia Ikastola
    8.    Barañaingo Bertso Eskola
    9.    Basilio Lacort Elkartea
    10.    Baztan Ikastola
    11.    Bi Haizetara
    12.    Biurdanako Guraso Elkartea
    13.    Colectivo El Salvador Elkartasuna
    14.    Duguna dantza taldea
    15.    EHE Euskal Herrian Euskaraz
    16.    EHGAM Nafarroa

 17.    Elortzibarko Gau Eskola
    18.    EMUN
    19.    Eraiki Guraso Elkartea
    20.    Erentzun Fundazioa
    21.    Erentzun Ikastola
    22.    Erriberako Arrigarai AEK euskaltegia
    23.    Euskal Memoria
    24.    Euskaldunon Biltokia
    25.    Euskalerria Irratia
    26.    Euskaltzaleon Topagunea
    27.    Euskararen Defentsarako Sarea
    28.    Garces de los Fayos Ikastola
    29.    Garean euskaldunon elkartea
    30.    Gartxot elkartea
    31.    Gizakia Herritar Fundazioa-Paris 365
    32.    Haizea elkartea
    33.    Hiru Euskal Herriko garraiolarien sindikatua
    34.    Ibaialde Ikastola
    35.    Ibarberri Eskola

36. IGE Orreaga (Hegoalde Ikastola)

37. Igela argitaletxea

38. Iñigo Aritza Ikastola

39. Irrintzi Peña
40. Iruinkokoa

41. Irurtzungo Aizpea euskara taldea

42. Jaso Ikastola

43. Karrikaluze

44. Laba sarea

45. Lagun Artean K.E.

46. Larraun Bizi

47. Lizarra Ikastola

48. Mendabiako Euskara Taldea

49. Mugarri Guraso Elkartea

50. Nafar Ateneoa

51. Nafarroa Kirol Elkartea/Club Deportivo
Navarra 

52. Nafarroako Euskarazko Irakurleen T aldeak
53. Nafarroako IKA
54. Ondalan elkarte mikrokooperatiba
55. Ondare Kultur T aldea
56. Paz de Ziganda Ikastola
57. Peña La Cueva, Lezea
58. San Fermin Ikastola
59. Sortzen Elkartea
60. Sustrai Erakuntza Fundazioa
61. Tantirumairu Ikastola
62. Ttipi-Ttapa Fundazioa
63. Tuterako Gaiteroak/Gaiteros de Tudela 64. Txalaparta argitaletxea
65. Udako Euskal Unibertsitatea
66. Ultzama-Larraungo AEK
67. Xaloa T elebista
68. Zaldiko Maldiko elkartea
69. Zangozako ikastola
70. Zumedia guraso elkartea