Musika eta aldarrikapena uztartuko dira uztailaren 8an German Rodriguez gogoratzeko
1978ko Sanferminak eta German Rodriguezen eta Joseba Barandiaranen hilketak gogoratzeko uztailaren 8an eginen den ekitaldia berezia izango da aurten. 45 urte betetzen diren honetan musikak izanen du protagonismoa. Izan ere, 1978ko sanferminetan izandako poliziaren eraso kriminalari buruzko memoriaren transmisioan paper nabarmena izan duten pertsonek eta taldeek hartuko dute parte. Ohikoa denez, ekitaldia 13.00etan hasiko da, Germanen hilarrian.
