ahötsa_

Norberak bizi duen eskubide zibil eta politikoen urraketaz haratago, indar kolektibo positibo eta eraginkor bilakatu behar direla azpimarratuz, apirilaren 2an ospatuko da hirugarren aldiz Libre Eguna Antsoainen . “Herri gisa erronka potolo bat dugu, 300 ate zabaltzeko erronka, 300 konpromiso hartzeko erronka. Aldaketa hortik etorriko da, guztion artean egin dezakegunetik. Herri gisa, Antsoaingo herritar gisa, egin dezakegunetik”, adierazi dute prentsa ohar baten bidez.

Antsoainen, gaur egun, hainbat herritar oraindik epaiketa politikoetan inputatuta jarraitzen dute: Artzai Santesteban, Endika Garay, Roxika Iriarte, Jaione Karrera, Imanol Karrera, Jon Garay eta Hector Barandika.

“300 atxikimendu lortzea helburu duen erronkari heldu diogu aurten, konpromisoak jaso eta irudikatzeko tresna moduan”, aurreratu dute.

Libre Eguneko egitaraua arratsaldeko 17etan hasiko da. 18.00etan kalejira bat abiatuko da eta gauean herri afari bat prestatu dute.