ahötsa_

LAB: “Langileen alde etxebizitzaren negozioa eten”

LAB sindikatuak etxebizitzaren inguruan jorratzen ari den lan ildoa aurkeztu du Iruñeko bere egoitzan. Azken urteotan etxebizitzaren problematikak, langileek bizi baldintza duinak izateko aukera mugatzen duela salatu du LABek. Eta hortaz, larrialdi egoeran gaudela salatu du. Horregatik, Nafarroako Gobernuari beharrezkoak diren erabaki poitikoak eta neurriak exijitzen dizkiete. Eta, aurkeztutako lan ildoaren bidez, langileen bizi eta lan baldintza duinak defendatzeko ekintza sindikala abian jarri dutela adierazi du LABek. Bukatzeko, A15an izandako lan istripu hilgarria salatu du LABeko bozeramaileak.