Ez eremu “euskalduna”, bai “eremu frantsesa, ingelesa eta alemana”

Administrazioan Euskaraz Taldeak protesta egin zuen atzo Parlamentuko atean Nafarroako Gobernuak euskara oposizio lehiaketetan ez baloratzeko hartutako erabakia salatzeko, Osoko Bilkura egiten ari ziren bitartean.

2021-ko ekainak 18

Salatu nahi izan zuten Nafarroako Gobernuak alemana, ingelesa eta frantsesa baloratzen dituela oposizio-lehiaketa eta lekualdatze lehiaketa guztietan, Nafarroa guztian, eta euskara eremu euskaldunean bakarrik. “UPNk berak eremu mistoan ere baloratzen zuen”, gogoratu zuten Administrazioan Euskaraz Taldekoek PSNren jarrera deitoratzeko.

Etorkizuneko Euskararen Foru Dekretuan, “eremu ez-euskaldunean egoera injustu hau bere horretan iraunen duela” salatu zuten Parlamentu aurrean egindako protestan.

Gehiago