ahötsa_

30 izen berri zabaldu dituzte gaur HTXko arduradunek uztailean Lakuntzan euskal presoen eskubideen alde eginen den jaialdi erraldoi honetarako. Eta ez nolanahiko 30 izen. Euskal preso politiko, iheslari eta deportatuen eskubideen aldeko musika jaialdiak uztailaren 27tik 30era izango du bere 20. edizioa. Eta gaurkoekin kartelak dagoeneko 50 izen ditu. Hala ere, asko dira oraindik ere batu egingo direnak, iragarri dutenez.

Gaur gehitu diren taldeen zerrenda osoa hau da: Green Valley, Amparanoia, Bad Sound, Strombers, Non Servium, Zopilotes Txirriaos, Hesian, Lendakaris Muertos, Txuma Flamariqye & The Zaratamakers, Dakidarría, Riot Propaganda, Hibakusha, Auxili, Akerbeltz, El Diluvi, Revolta Permanent, The Guilty Brigade, Zea Mays, Tximeleta, Elepunto Vs Jotatxo, Occhi di Farfalla, Oreka Tx, Txarango, The Icer Company, Izerdi Gorria, Def con Dos, Leihotikan, Raperos de Emaus & The Titanians, Lurra eta Zoo.

“Unea da errepresaliatu politikoen egoera behingoz errotik hartu eta konpontzeko, eta horretarako benetako zita berezia antolatzea” ezinbestekoa dela pentsatzen dute. Horretarako elkartasun jaialdi hau posible egiten duten lau hankak martxan dira aspalditik. “Jende asko dabil antolakuntzan duela hilabete ugaritik hona, uztaileko azken asteburuan dena prest egon dadin. Asko dira sarrerak erosten ari direnak. Asko ere txanda egiteko izen ematen ari diren boluntarioak. Eta kartela ere osatzen doa”, dio HTXk.

Oraindik ere talde asko dituzte kartela osatzeko eta datozeen asteetan joanen dira konfirmazio berriak ematen.

Sarrerak ersoteko aukera zabalik jarraitzen du
Sarrerak salgai daude www.hatortxurock.eus webgunean Promozio moduan, 60 euroren truke lau egunetako bonoa eros daiteke, kanpina barne egonen litzatekeelarik. Promozio hau aste batzuetan luzatuko da, edo sarrerak agortu arte.