ahötsa_

Herri osoak sekulako kriminalizazioa bizi du, pairatutako pertsekuzioa, kasurik okerrenean

egonda ere, imajinatuko ez genituzkeen mugak gainditu ditu… nahiz eta herri honek

errepresioarekin loturiko egoera oso latzak ezagutu dituen. 

Gure aldarri eta jarduerak “ egitura terrorista” –en barnean kokatu nahi izan dituzten horiei

esan, haien asmo garbia gure dinamika kriminalizatzea izan delarik, gure jarduera guztiak

erabat publikoak izan direla, legalak eta nola ez, erabat legitimoak. 

Zigorrean oinarritutako egitura duen sistema batean kokatzen gara, haien korazatua neurri

prebentiboekin eraikitzen dutenak eta etsai berriak sortu edo asmatzen dituztenak. Gerora

prest duten makinaria errepresibo guztia jendartean aplikatzen dute, era honetan, maila

guztietan jasaten dugun kontrol soziala justifikatzen dutelarik, militarizatuta dagoen paisaia

normalizatuz. 

Urteak eta urteak guk sortutako ekitaldien aurka dabiltzan horiek, behin eta berriz gure aurka

jo dezaten eskatuz, behin baino gehiagotan bizilagunak edota kargu instituzionalak Audientzia

Nazionalera eraman dituzten horiek dira, hau termino politiko baten mendeku beharra izanik.

Horiek ere, eroen pare, aldarri eta eskakizun baten aurka dabiltzanak, desmilitarizazioaren

kontra joz, hau izanik, denbora gehiegiz jasaten gabiltzan gatazka politiko honi irtenbidea

emateko gakoa. 

Euskal Herria beste behin ere haien mesederako laborategi errepresibo moduan baliatu dute.

Hemen, berriz ere, haien lege berriekin esperimentatzen dihardute, gerora geografia zabalean

aplikatuko dutelarik disidentzia ezberdinen kontra, beharrezkoa balitz. 

Hain handia da zentzugabe hau, zeinetan beste zenbait gauzen artean, gure ilegalizazioa

eskatzen duten, mugimendu antierrepresiboa izanagatik. Ospa, mugimendu bat, herri

instituziek bermatutako baimen legalak beti izan dituena, haren ezaugarri nagusiena profil

ezberdineko ekitaldiak aurrera eramatea dena (jai girokoak, kulturalak, mobilizazioak…) beti

ere herrira zabalik, helburua, bizilagunen indarra batzea izan delarik, era honetan,

ezinbestekoa deritzogun helmuga lortzeko, etorkizun libre bat: Alde hemendik! STOP

errepresioa! 

Aipatu berri ditugun ekimen guzti hauek, herri mahaian aurkitzen diren alderdi politiko

ezberdinen oniritzia eta onarpena izan dute ( ezin dugu ahaztu Ospa Eguna, jai batzordetik

pasatzen zela, jaien aurreko asteko egitarauaren barne egonik). Honela frogatuz gure

helburuekin guztiz ados egonda edo ez, herritar bezala adierazteko dugun eskubidea

errespetatzen zutela. 

Era berean, gu Altsasun elkarbizitza egotearen aurkari bezala aurkezteko saiakera salatu

nahiko genuke, izan ere, errepresioaren eta honen alderdi ezberdinen aurka lan egiteko

indarra hortik datorkigu, altsasuar libreak izan nahi baitugu Altsasu libre batean. Kontrolak ia

egunero, buroerrepresioak gure patrikak odolusten ditu milaka eurorekin, jarraipenak eta

mehatxuak Ospan parte hartzeagatik… 

Zenbait komunikabideek Guardia Zibila Sakanak edo Altsasun eroso sentitzen ote den

galdetzen du, hori izango bailitzan garrantzitsuena. Guk galdera kontrako norabidean eginen

genuke. Ba ote daude Altsasu eta Sakana eroso Guardia Zibilaren presentziarekin? Sakanako

biztanleriak ikusten al du bere egunerokotasuna oztopaturik hainbesteko kontrol eta

errepresio polizialarekin? Ziur sentitzen al gara honelako elementu polizialekin? 

ARGI ETA GARBI, EZ! 

Honenbestez, gaur inoiz baino garrantzitsuagoa da denok norabide berean tiratu eta lan egin

dezagun, era honetan zapalkuntzarik gabeko,okupazio militarrik gabeko eta kanpo injerentzia

gabeko etorkizuna lortuz. ETORKIZUN ASKE BAT! 

Guzti hau kontuan izanik, Euskal Herriko txoko guztietara zabaldu nahiko genuke borroka piztu

eta herri asanbladak eraikitzeko deialdia, honela hainbeste amesten dugun helmugara iritsiz.

DESMILITARIZAZIOA ORAIN! STOP ERREPRESIOA!