Fresnes espetxetako euskal preso politikoak gose greban isolamenduaren aurka
Kartzela berean isolamenduan dagoen Itziar Moreno euskal preso politikoaren zigorra bukatu arte jarraituko dute neurri horrekin gizonezko moduloko presoek. Preso horien artean Enrike Lopez Txantreako bizilagun aurkitzen da
2016-ko maiatzak 12
Fresnes-eko gizonen moduloko espetxean dauden euskal preso politikoak gose greba mugagabean jarri dira; bitartean, emakumezkoak (Iratxe Sorzabal eta Ekhiñe Eizagirre) Mitard-era (zigor ziega) sartu ditzaten behartu dute (kartzelak Mitard-arekin zigor ditzan bultzatu dute). Kartzela berean isolamenduan dagoen Itziar Moreno presoaren egoera bukatzea dute helburu neurri hauek. Adierazi dutenez, Morenoren egoera konpondu arte jarraituko dute.
Apirila bukaeratik, Fresnesen dauden emakume preso sozialek hasitako protestetan du jatorria isolamendu zigorrak, euren bizi baldintzak hobetzeko eginak. Gerora emakumezko preso politikoak batu ziren protestara (Iratxe Sorzabal, Ekhiñe Eizagirre eta Moreno bera). Zuzendariari 40 presok sinatutako gutun bat helarazi zioten aldarrikapen ezberdinekin : garbiketa arazoak konpontzea, haurdun diren emakumeak hobeto tratatzea, UVF bisita bereziak egiteko baimenak izatea, funtzionarioen aldetik errespetu gehiago izatea… Horrez gain, patio blokeo sinboliko bat (10 minutuz euren ziegara bueltatzera ukatu) egin zuten.
Maiatzaren 2an, Itziar Moreno presoa isolamendura eraman zuten, protesta horien bultzatzaile nagusia izan zen argudiopean. Morenoren egoera konpontzeko gutun bidalketa masiboa ere jarri da abian. Dirudienez, luzerako izan daiteke bere isolamendua.
Preso horien arten Enrike Lopez Txantreako bizilagun aurkitzen da. Gaur osteguna 20.00etan eginen da auzo honetan enkartelada berezi bat Fresneseko presoen egoera salatzeko, eta maiatzaren 17an batzarra eginen dute.
Gehiago
![](https://ahotsa.info/wp-content/uploads/2024/08/GRtbrDmXcAAraLJ.jpg)
Sare opina que las progresiones al 3º grado se han realizado “de manera limitada, contenida”, y pide eliminar toda excepcionalidad en política penitenciaria
![](https://ahotsa.info/wp-content/uploads/2024/08/horizontal-a080e7bf0017d7c05a7d00d65ab2abe2photo-5983100511362074075-yjpg.jpg)
Maria Lizarraga Merino Burlatako preso politikoa Baldintzapeko askatasunean geratu da
![](https://img.youtube.com/vi/0y1JQhAWFc8/hqdefault.jpg)