Donostiako Udalean Mikel Zabalzaren kasua aztertuko duen batzorde berezia sortzea eskatu dute
Altzako Mikel Zabalza Herri Ekimenak, Donostiako Udaleko Giza Eskubideen Batzordean parte hartu zuen eta hainbat proposamen aurkeztu zituen bertan.
2016-ko apirilak 8
Besteak beste, Donostiako Udalean Mikel Zabalzaren kasua aztertuko duen batzorde berezia sortzea eskatu dute Herri Ekimeneko kideek. Horretaz guztiaz galdetu zioten goizean, Info7ko Kalegorrian saioan, Idoia Zabalzari, Mikel Zabalzaren arrebari, eta batzorde berezi horren helburua “egia, justizia eta erreparazioa” direla esan zuen.
