ahötsa_

Festa, oroimena eta aldarrikapena Nafarroaren Egunean

Nafarroako eguna ospatu da gaur, eta horren harira Iruñeko kaleak jaiaz eta aldarrikapenaz bete egin dira. Eguerdiko 12etan hasi dira Orreaga Fundazioak antolatutako jarduerak. Dantzariak, txistulariak, trikitixak, txalapartariak, bertsolariak erraldoiak, joaldunak eta fanfarreak alaitu dituzte Alde Zaharreko kaleak. Orreagak Rosa Oteiza omendu du, duela 100 urte baino gehiago eraiki zen Foru monumentua koroatzen duen estatuaren eredu izan zen emagina, "Foruen aldeko herri-borroka" gogoratzeko asmoz.