Sindikatuek salatu dute, urtarrileko aste bakarrean Nafarroan lau langile istripuetan hil direla
LAB, CGT, Steilas, ESK, EHNE eta Hiru sindikatuek deituta, elkarretaratzea egin da Nafarroako Gobernuaren egoitza nagusiaren parean, urtarrileko aste bakarrean Nafarroan, lau langile istripuetan hil direla salatzeko.
2024-ko urtarrilak 17
Duela bi egun Arriben altueratik erorita hil zen langilearen heriotzagatik protesta egiteko deitua zen gaurko elkarretaratzea; baina horretaz gain, jakin da gaur bertan beste langile bat hil dela Cadreitan, beraz, dagoeneko lau langile hil dira aste bakarrean Nafarroa Garaian. Patronalari, lan osasuneko araudia betetzeko exijitu diote, baita Nafarroako Gobernuari ere, izan ere, egoera honen konplize dela salatu baitute.
