Euskal presoak etxeratzeko bidean jarriko duen espetxe politika berri bat aldarrikatuko dute larunbatean Donostian

Sare Herritarrak deituta, larunbatean Donostiako Antiguotik arratsaldeko 17.00etan abiatuko da euskal presoak etxerako bidean jarriko dituen politika berri bat eskatzeko manifestazioa. Nafarroako hainbat herrietatik autobusak aterako dira.

2021-ko urriak 19

“Ibilian-Ibilian, etxerako bidean” kanpainari amaiera emanaz, salbuespen legediarekin guztiz amaitzeko ordua dela aldarrikatuko duen manifestazio orokorra antolatu du Sare Herritarrak larunbatean Donostian.

Maiatza amaieran hasi eta herriz herri, eskualdez eskualde eta herrialdez herrialde ekimen ugari egin ditu Sarek “Ibilian- Ibilian, etxerako bidean!” lelopean. Manifestazio Orokor hau dinamika honi amaiera jarriko dio.

“Etapa berri bati hasiera ematen ari gara; urruntze politika atzean utzi eta euskal preso eta iheslarien etxerako bidea egiteko etapari”, zehaztu du Sarek.

Horretarako euskal preso guztien Euskal Herriratzea eta graduen progresioa funtsezko gakoak izanen dira, Sareren ustetan. Horrekin batera,  euskal preso politikoei gainontzeko presoei ezartzen zaien legedi arrunta jarraituz, 3/4ak beteak izatean, baimenak eta baldintzapeko askatasuna eskuratzeko aukera izan behar dutela errepresaliatu politikoek ere aldarrikatu du Sarek.

“Finean, urteetan indarrean egon den salbuespeneko espetxe politikarekin amaitzera goazela esaten ari gara. Eta horretarako, orain arte bezala, herritarren bultzada ezinbestekoa da”.

Nafarroan herri hauetatik aterako dira autobusak:
Altsasu, ohiko lekuetan izena eman behar da. Autobusa 15:15an aterako da.

Arbizu, Kiroldegian izena eman behar da. Autobusa 15:15an aterako da.

Atarrabia, Basajaun tabernan edo 637 07 53 67 telefonoan izena eman behar da. Autobusa goizeko 11:30ean aterako da ̈La Cadenatik ̈ .

Bakaiku, Elkartean izena eman behar da. Autobusa 15:15an aterako da.

Donibane, Toki Eder Tabernan izena eman behar da. Autobusa Iratxe tanatoriotik aterako da 15:30ean.

Etxarri Aranatz, Xapatero taberna, Leku Ona taberna eta Kaxeta Libururdendan izena eman behar da. Autobusa 15:15an aterako da.

Gares, Bar Very, Bar Torreta edo 628 98 00 62 telefonoan izena eman behar da. Autobusa 15:00etan aterako da Mikel Tabernatik.

Iruñea, Herriko Tabernan izena eman behar da. Autobusa 15:00etan aterako da Bosquecillotik.

Lakuntza, Apur okindegian izena eman behar da. Autobusa 15:15an aterako da.

Gehiago