ahötsa_

Datorren martxoaren 28an, Burlatan, asmo solidarioa duen ekitaldi musikala egingo da, Zaporeak elkarteak testuinguru desafiatzaile honetan egiten duen lan baliotsuarekin jarraitzeko dirua biltzeko, Greziako Lesbos uharteko Kara Tepe zelaian dauden errefuxiatuei kalitatezko janari duina eskainiz.

Kontzertua Zaporeak elkarteak antolaturik, Burlatako Udalaren laguntzarekin, eta bertako bi bandak beren musika kausa zintzo baten zerbitzura jarriko dute: Muxutrock eta Madame Birrots. Kontzertua 19:30ean hasiko da. Aldez aurretik erositako sarreren prezioa 12 € da eta lor daitezke 948 012 012 telefonora deituta edo interneten bidez ekitaldia hasi baino hiru ordu lehenagora arte. Leihatilan prezioa 14 € izanen da eta kontzertua hasi baino ordubete lehenago irekiko da.

Bildutako diru guztia Zaporeak elkartera bideratuko da, pertsona errefuxiatuek bizi duten egoera aireratzeaz gain erantzun pragmatikoa ematen saiatzen da elikaduraren bidez. Sarrera arruntak saltzeaz gain Fila O izenekoa zabaldu da kontzertura bertaratu gabe ekonomikoki parte hartu nahi duten pertsonentzat. Dirua eman nahi duten pertsonek banku transferentzia egin dezakete beheko kontuaren bidez: IBAN: ES83 1491 0001 2030 0017 6262 kontzeptuan “Fila 0 Concierto Zaporeak” jarriz.

Zaporeak elkarteak antolatu du kontzertu hau Burlatako Udalaren laguntzarekin. “Aukera ederra dugu zuzenean jotako musikaz gozatzeko eta, era berean, gehien behar duten bizitzak hobetzeko bideak jartzeko. Ahalik eta janari gehien eskaintzen saiatzen jarraitzen dugu, eremuan “gaizki bizi” diren pertsonen kopurua aldakorra da, 2023an 6.000 pertsona egon ziren, eta gu 3.000 anoa banatzen egon ginen hainbat hilabetez, gure aukeren oso gainetik”, azaldu dute antolatzaileek.

Gaur egun, landako pertsonen kopurua ez da 3.000 baino gehiagokoa, eta Zaporeak egunero banatzen dituen errazioak 1.500 izatetik 2.400 izatera pasatzen dira. “Turkiatik jendea etortzea geldiezina da. 2024an 1.600 ontzi baino gehiago iritsi ziren Greziako kostaldera, horietatik 345 Lesbosera. Baina pushbacken edo “beroan egindako itzulketen” kopurua ere handituz doa, Turkiara edo itsasora itzulitako 2.367 ontzi baino gehiago. Pertsona gehienak Afganistandik datoz, ondoren Siriatik eta gero eta gehiago Palestinatik, kopuru txikiagoan Sudan, Somalia, Eritrea… Gure errazioak pertsona horiek pairatzen duten egoera dramatiko hori “goxatzen” saiatzen dira, non baldintza higienikoak, sanitarioak edo haurrek eskola batera joan ahal izateko duten eskubidea behin eta berriz urratzen ari diren”, gehitu dute.