ahötsa_

Yala Nafarroak ‘Udazken Palestinarra’ antolatu du

Palestinako herriaren aurkako genozidioa gelditzeko, mobilizazioek duten garrantzia azpimarratu du Yala Nafarroak; horregatik, herritarrak mobilizatzera deitu dituzte, antolatu duten 'Udazken Palestinarran'. Ekimen honen baitan, hainbat ekitaldi antolatu dituzte: Urriaren 1ean 'Cycling for Gaza' Iruñera heltzerakoan, arratsaldeko 18:30ean Magdalena zubian. Urriaren 3an, Tuteran, Yala Erribera Palestinarekin manifestazioa, 19:30ean Foruen plazatik abiatuko dena. Urriaren 9an Raji Sourani giza eskubideen aldeko ekintzailea izanen da Burlatako kultur etxean. Urriaren 15ean, gehiengo sindikalak deitutako lanuztea egonen da. Urriaren 18an, Europak Israelekin dituen harreman guztiak eteteko manifestazioa. Urriaren 25ean, Berriozarren, “Kirol solidarioaren Eguna”. Azaroaren 2an, Bihatz rokodromoan, Palestinaren aldeko 12 orduko eskalada. Azaroaren 8an, Nafarroako Atletismo Federazioak “12 orduko lasterketa Palestinaren alde” antolatu du Iruñeko Antoniutti pistan. Azaroaren 26an NUPen, Palestinaren aldeko Nazioarteko Justizia Jardunaldia izanen da, Franco Bifo Berardi, Bolognako Unibertsitateko irakaslearen parte hartzearekin. Eta, azaroaren 29an, “Gure gobernuek Palestinako genozidioarekin dituzten konplizitateekin” amaitzeko eskatzeko maifestazioa. Eta horretaz gain, Global Sumud Flotillari elkartasuna adierazi diote, eta Nafarroako biztanleei datozen berriei adi egoteko eskatu diete.