Urruntasunarekin amaitu eta kondena batuketa aplikatzeko errekurtsoak Estrasburgora
Etxerat elkarteak Amaia Izko eta Haizea Ziluaga abokatuekin batera, Estrasburgoko Giza Eskubideen Auzitegian jaso dituzten bi eskari berrien zehaztasunak eman ditu.
2017-ko urtarrilak 27
Batetik, presoen urruntasunarekin behingoz bukatzea, eta bestetik, zigor batuketa egitean Europako beste estatuetan aurrez betetzen diren zigorrak kontuan hartu behar direla eta hori arautzen duen europear lege-markoa behingoz errespetatzea espainiar Estatuak.
Lehenengo kasuan, ibilbide juridiko luze baten ondoren, Josetxo Arizkuren nafarrak sufritzen duen urruntasunaren aurkako errekurtsoa Estrasburgoko Europako Giza Eskubideen Auzitegira bidean da. Hortaz gain, estatu espainiarran espetxeratuak dauden preso politikoen errekurtsoak, Espainiako ibilbide juridikoa amaitutakoan, Europara begira jarriko dira. 260 errekurtsotaz dira osotara.
Eta bigarren kasuan, honek ere espainiar ibilbide juridikoa igarota, Frantziar estatuan betetako kondenak Espainian haintzat hartzearen inguruan datza. Santi Arrozpide, Alberto Plazaola eta Francisco Mujikaren eskakizunak Europako Giza Eskubideen Auzitegian sartu berri dira, beste 21 preso politikoen errekurtsoak sartzeko prest daudelarik. Orotara 50 preso politiko dira Frantzian betetako espetxe kondena haintzat hartzen ez zaiena, eta horiek guztiak, bide judizialari ekin diote.
Etxerat Elkartetik, “ilusioz eta poztasunez” hartzen dituzte jardun judizial hauek. “Gure senide presoentzat deserrirako zigorra da eta guretzat, presoen senide eta gertukoentzat, astero bidai luze eta garestiak egitera behartuta gaudelarik, lotura afektiboak mantendu ahal izateko eta gure senideekin bizitza konpartitzeko, oso prezio altua ordaintzera behartuta gaude”.
Europako marko erabakiaren arabera, beste Europako estatuetan aurrez betetzen diren zigorrak kontutan hartu behar dira zigor batuketa osoa egitean. Gogoratuko denez, ingeniaritza juridikoa eginez, Gobernu espainola berak aitortu zuen bezala, 197/2006 doktrina aplikatzean, haien zigorra bere osotasunean beteta zituzten euskal preso politikoek ez zuten askatasuna lortu. Espainiako erresumaren aurkako epaia etorri zen ondoren Estrasburgoko Giza Eskubideean Auzitegitik baina, bitartean, urteetan, kartzelan mantendu zituzten euskal preso politiko asko.
“Salbuespen neurriak, azpijokoa, iruzurra, aldrebeskeri juridiko eta eskubide urraketen aurrean ez dugu zalantzarik Estrasburgoko Auzitegiak gure eskakizunen aldeko epaia emango duela”, ziurtatu dute, baina aitortu dute denbora luzea pasatu beharko dela Estrasburgoko erabakia ezagutu arte.
Gehiago
![](https://ahotsa.info/wp-content/uploads/2024/08/GRtbrDmXcAAraLJ.jpg)
Sare opina que las progresiones al 3º grado se han realizado “de manera limitada, contenida”, y pide eliminar toda excepcionalidad en política penitenciaria
![](https://ahotsa.info/wp-content/uploads/2024/08/horizontal-a080e7bf0017d7c05a7d00d65ab2abe2photo-5983100511362074075-yjpg.jpg)
Maria Lizarraga Merino Burlatako preso politikoa Baldintzapeko askatasunean geratu da
![](https://img.youtube.com/vi/0y1JQhAWFc8/hqdefault.jpg)