ahötsa_

“Sunsundegui bideragarria da, produktuak ditu eta aukera berriak ikusi behar dira”

Astelehenetik aurrera Sunsundegui likidazioan sartuko da, horregatik gaur langileak kalera atera dira Altsaun, enpresa itxi ez dezatela aldarrikatzeko. Izan ere, enpresari errentagarria egiten duen bideragarritasuna ikusten diote eta, horregatik, aukera berriak posibleak direla aldarrikatzen dute. Eta, beraz, instituzioei eta eragileei eskatu diete egoerari irtenbide bat bila dezatela.