ahötsa_

Iruñeko Elkartasun Gida, hainbat arazori aurre egiteko sortu duten baliabide sozialen gida bat da. Alde batetik, erabiltzaileen egoerari irtenbide bat emateko helburua du; eta bestetik, pertsona boluntarioen baldintzak hobetu nahi ditu, lehenengo arretan aritzen bait dira.

Administrazioak gai honetan irtenbideak bila ditzan, presio politikoa egiten jarraituko dutela adierazi dute. Baina, bitartean, irtenbide berri hauen premisa horretatik sortu dute gida hau. Gida, 6 hizkuntza ezberdinetan idatzita dagoen mapa bat da eta mapa horretan agertzen diren eta horietatik kanpo dauden baliabideak ere azaltzen dira. Pertsona migranteentzako ere bai eskuragarri dagoen gida da, horregatik 6 hizkuntzatan eta hiru alfabeto ezberdinetan idatzita dago. Kolaboraziora eta edozein proposamenera irekita daudela adierazi dute, izan ere, zabalpenerako, itzulpenerako eta inprimatzeko laguntza behar dute.

Bai dimentsio pertsonalean eta bai dimentsio sozialean ere pobrezia geroz eta sakonagoa dela azaldu dute. Eta horrek baliabide pribatuek edota militanteak gainezka egitea eragiten duela adierazi dute. Horregatik, borroka politikoan jarraitzeko eta egoera berrietara egokitzen diren tresna berriak sortzeko sortu dute elkartasun gida hau.

Bukatzeko, Paris 365 ekimena, behar dituzten baliabide horien baitan aipatu dute ere. Izan ere, egoera honek ekimenari ere eragiten diola azaldu dute. Horretarako, 365 lagun berri bilatzen dituen bazkide kanpaina martxan jarri dute. Horrelako proiektu berriak martxan jartzeko bultzada behar dutela bait diote.