Olibondoak Palestinako herriari elkartasuna adierazteko Lurraren Egunean

Yala Nafarroak herrialdeko hainbat herrietan palestinar herriarekiko elkartasun ekimenak antolatu ditu gaur olibondoak landatuz, Palestinarekin batasun eta elkartasun keinu sinboliko gisa. Iruñean, gainera, BDZk manifestazioa egin du.

2025-ko martxoak 30

Urrotz

Gutxienez Nafarroako 27 herrietan landatu dira olibondoak gaur Yala Nafarroak egindako deialdia jarraituz. Haien artean Abartzuza, Atarrabia, Allin, Antzin, Andosilla, Arruazu, Auritzberri, Bargota, Berriozar, Burlata, Burgi, Kaskante, Lizarra, Etxarri, Gesalatz, Uharte, Ihabar, Mendavia, Iruñea, Oteitza, Berriozar, Tutera, Urrotz, , Deierri, Zaraitzu eta Zurukuain.

Iruñean ekitaldia Santa Ana plazan izan da BDZ Nafarroak egin duen manifestazioaren ostean.

BDZ Nafarroak Iruñean egindako manifestazioan CAF enpresak Israelekin duen harreman ekonomikoa salatu dute.

“Ekitaldiaren helburua izan da Palestinarekin Nafarroako herri eta hirien elkartasuna erakustea, baita olibondoak irudikatzen duen erresistentzia eta duintasunaren defentsarekin duten konpromisoa adieraztea ere. Horretarako, palestinar herriaren omenaldi eta oroimen espazio iraunkorrak sortzea bilatzen da”, adierazi dute Yala Nafarroatik.

Gehiago

Estekak