ahötsa_

Datorren larunbatean, Lizarran Nósaltres Prest! jaialdia ospatuko da, adin eta publiko ororentzako ekintzekin egun osoan zehar. Goizeko 11:00etan hasiko da egitaraua talde kulturalen elkartaratze batekin Santiago plazan. Plaza horretan ere haur jolasak eta aurpegi margoketa eginen dira goiz osoan zehar. Ondoren Lizarrako kaleetan zehar kalejira bat eginen da eta goizeko ekitaldi nagusia Foru Plazan eginen da, 13etan. Pintxo potea ere izanen da talde kulturalen emanaldiekin girotua, eta 14:30etan herri bazkaria egingo da. Arratsaldean umeendako puzgarriak eta Lizarra kantuz eta dantza herrikoiak eskeiniko dira. Gauean Lizarrako pilotalekuan kontzertuak hasiko dira Sés, Auxili eta Glaukoma taldeekin. Dj. Elepunto-k itxiko du kartela.