ahötsa_

Jarraia ikastetxe guztiontzat Plataformak deituta, elkarretaratzea egin da hainbat ikastetxeren aurrean eta Hezkuntza Departamentuaren aurrean. Plataformakoek adierazi dute jardunaldia aukeratzeko prozesuaren emaitzak kontuan hartuta, ikastetxe guztietan boto gehien jaso dituen aukera jarraia izan dela. Baina, salatu dute, ikastetxe horietan bozketa-sistema bidegabeak kalte egin duela, eta ez duela aukerarik ematen familia gehienen hautua errespetatzeko.

Horregatik, Hezkuntzako kontseilaria den Carlos Gimeno Gurpegiri eskatu diote 106/2023 Foru Agindua indargabetzeko eta beste bozketa bat egiteko, emandako botoen gehiengo soila kontuan hartuko duena. Horrez gain, Hezkuntzako kontseilariak azken hautaketa-prozesuan Nafarroa mailan lanaldi mota bakoitzerako emandako botoen datuak azter eta argitara ditzala eskatu dute. 

Lanaldi jarraitua ezartzeko oztopoak gorabehera, familiek hezkuntza publikoan asko babestu duten aukera izan dela azpimarratu dute “gure erkidegoan jardunaldi jarraia unibertsalizatzea eskatzen dugu, beste erkidego batzuetan egin den bezala”. Bukatzeko, zenbait zentro zigortzen dituzten garraio-arrazoiengatiko loturarekin amaitzeko eskatu du Jarraia Ikastetxe Guztiontzat plataformak.