ISSNek kaleratutako 23 langile berriz kontratatu beharko ditu epai baten aginduz
Nafarroako Auzitegi Nagusiak baliogabetzat jo du kaleratze kolektiboa, eta Fermin Elizaldek zuzendutako enpresak "xantaiak egin dituela" egiaztatu du, ELAK jakinarazi duenez.
2024-ko ekainak 11
![](https://ahotsa.info/wp-content/uploads/2024/06/GPuNgGaWoAAqNnB.jpg)
ISNN enpresak (VW Navarraren azpikontratak) kaleratutako 23 pertsonak berriro lanera itzultzea lortu du ELAk, Nafarroako Justizia Auzitegi Nagusiak (TSJN) baliogabetzat jo baitu Fermín Elizalderen konpainiak kaleratze kolektiboa gauzatzeko erabili zuen Enpleguaren Erregularizazioaren Espedientea.
ELAk demanda jarri zuen ISNNk erregistratu zuen EEEa baliogabetzeko eskatuz. Izan ere, ISSNk argudiatu zuen Volkswagenek muntaia zerbitzua murriztu zuela.
Epaiak deuseztzat jo du enplegu-erregulazioko espedientea, eta hainbat arrazoirengatik kaleratutako pertsona guztiak berriro onartzera behartzen du, besteak beste, beharrezko dokumentazioa ez entregatzeagatik. “Enpresak ez du inoiz aurkeztu berak egin ez duen dokumenturik, alegatutako arrazoien errealitatea ondorioztatzen duenik. Enpresak berak egindako dokumentuetan, adierazpen propioetan eta berrespenik gabeko komunikazioan oinarritu du negoziazio-aldia, eta hortik ezin dira daturik atera”, salatu du ELAk.
Gainera, epaiak ezartzen du negoziazioan zehar enpresak izan duen jokabideak “negoziatzeko benetako borondaterik eza baino ez duela erakutsi”, ELAk jakinarazi duenez. Gainera, egiaztatutzat jo du enpresak ELAko batzordeko kide bati presio egin ziola negoziazio formaletatik kanpo “akordio bat sina zezan, eta xantaia egin ziola, akordioa izenpetuz gero bikotekidea ez kaleratzeko”, dio sindikatuak.
ELAk epai horren garrantzia azpimarratu nahi du, Fermin Elizalderen taldeari egindako “ohartarazpen argia” dela eta. “Lan-erreformaren ondorioz enplegu-erregulazioko espedienteak errazago egin ahal izan baziren ere, agerian geratu da sindikatuen mobilizazioa eta ekintza juridikoa direla enplegua defendatzeko bide eraginkor bakarra”.