Eraso egin diote Oibarko gazteluko mugarriari
Mugarria bera guztiz hautsi dute eta errepublikako bandera kendu. Horrez gain 1936an fusilatutakoen oroigarria ere hondatu dute. Duela aste batzuk, Untzue herrian kokaturiko mugarri bat ere erasotu zuten modu berean.
2015-ko abenduak 10
EuskalerriaIrratia.eus
1936an fusilatu zituzten herritarrak gogorarazten zuen oroitarria suntsitu eta errepublikako bandera kendu dute Oibarren. Zangotzako Foruzaingoan salaketa jarri du Oibarko Udalak eta eskatu diete argi dezatela gertatutakoa.
Oibarko gazteluan mugarria zegoen. Guztiz suntsituta zegoen atzo goizean. Errepublikako bandera ere bazen bertan, eta uneotan ez da halakorik. Pedro Lanas Oibarko alkateak erasoa salatu du: “Historiari eraso diote eta Oibarko kulturari”.
Gehiago
