Enrique Lopez iheslaria espetxeratu dute
Txantreakoa pasa den astean atxilotu zuten Iparraldean. Atzo, Nathalie Chasseriaux-rekin batera kartzelara bidali zituzten, Pariseko epailearen aitzinean deklaratu ondoren. Lopezen abokatuaren arabera, auzia iragan bitartean egoten ahal lirateke kartzelan. Iheslaria Fresneseko kartzelan dago.
2015-ko ekainak 2
Maiatzaren 31n, Nathalie Chasseriaux eta Enrique Lopez Parisera eraman dituzte instrukzio epailearen aitzinean deklaratzeko. Ekainaren 1ean ikusi dute azkenean. Ondotik, askatasunen eta detentzioaren epailea ikusi eta, biak kartzelara igorri dituzte, arratsean.
Enrique Lopezen abokatua Xantiana Cachenautek "Biarritzeko arma biltegian zerikusia duelakoan, behin behineko kartzelaldia ezarri" diotela adierazi du. Iheslari ohia Fresneseko espetxean dago, "auziaren zain".
Gogoratu behar da Chasseriaux Biarritzeko "Villa Calbarre" etxebizitzan bere bikotekidearekin batera atxilotua izan zela; bertan poliziak 26 arma eta beste materiala atzeman ondoren. Biharamunean aldiz, Enrique Lopez eta bere emaztea atxilotu zituzten Biarritzen. Bien bikotekideak libre utzi zituzten.
Gehiago
