ahötsa_

ELAk salatu du VW Navarrako zuzendaritzak koronabirusaren erruz duen hornidurarik ezaren arriskua erabil dezakeela diru publikoaren kontura negozioa egiteko, EAEE (Enplegua Aldi Baterako Erregulatzeko Espedientea) bat adostu nahi baitu UGT eta CCOOren laguntzarekin, maniobra hori ontzat ematen duten bi erakundeak. Dakigunez, langileriak EAEE garaian kobratzen duen langabeziaren zati proportzionala diru publikoa da, eta kasu honetan VW Navarrak erabili nahi du, Landabenen urteko azken ekoizpena murriztu ez arren, eta, beraz, enpresaren irabaziak ere ez dira gutxitu. Finean, Volkswagenek koronabirusarekin negozioa egiteko aukera gorde nahi du, UGTren eta CCOOen elkarlanari esker.

Gogoratu behar da VW Navarrako langileek soldataren %100 kobratzen dutela 216 egunetan hainbanatuta (2020ko banakako lanaldia), Landabenek 209 egunetan egin dezakeena baino ekoizpen handiagoa baitu (erreferentziako lanaldia). Zazpi eguneko diferentzia horietan ez da soldatarik kobratzen, plusak bakarrik. Gauzak horrela, ez du zentzurik egunen batean ixteko aukera izanez gero aurrekontu publikoak enplegu-erregulazioko espediente baten bidez ordaintzea: plantillak ez du gehiago kobratuko, baina enpresak lanaldi horien lan-kostua aurreztuko du.

Azken batean, kasu honetan EAEE bat onartezina da, diru publikoaren kontura enpresarentzat kostuak aurreztea baino ez dakarrelako. Enplegu-erregulazioa aplikatu baino lehen, VW Navarra lehiakortasun data deitutakoak (plusak soilik kobratzen diren 7 egun horiek) industria-lanaldi bihurtu beharko lituzke (produkziorik gabe), langabeziaren igoera kobratzera joatea saihestuz.