ahötsa_

Hurrengo larunbatean, irailaren 7an, Iruñeko Autobus Geltoki Zaharrean EKOmerkatua eta IX. Tomate zahar, lokal eta ekologikoaren lehiaketa ospatuko da, goizeko 10:00etatik 14:00etara. Eta, gainera, 12:00etatik 14:00etara, Geltokik antolatutako ‘Zatoz eta dastatu’ izeneko gunean, tomate dastaketa doan eskainiko da.

CPAEN/NNPEKk EKOtopaketa eta EKOmerkatuarekin hasiko du ikasturtea. Irailaren 7an, larunbata, Tomate Zahar, Lokal eta Ekologikoaren Lehiaketaren IX. edizioa ospatuko da, 10:00etatik 14:00etara. Bertan, tomate ekologikoen barietate ezberdinak erosi ahal izango dira El Puente Viejo postuan, hilero Caparroson landatutako barazkiekin Aragoi ibaiaren ertzetara joaten dena. Tomateez gain, EKOmerkatuan ohiko elikagaiak erosi ahal izango dira: Sakanako, Lizarraldeko eta Baztango gaztak, Lizarraldeko garagardo eta olioa, Izurzuko eztia, Munarrizko patata eta lekaleak eta Erriberako sasoiko barazkiak. Eta, Oskoz herriko ekoizle berri batek, Leire Iribarren, parte hartuko du hemendik aurrera EKOmerkatuan EKOsagar sagar-zukuarekin. Gonbidatutako postu gisa, Juan Simon de Murchante nekazariak meloiekin parte hartuko du. Eta horretaz gain, Geltokik antolatutako ‘Zatoz eta dastatu’ gunean doako tomate dastaketa eskainiko da, 12:00etatik 14:00etara.

Aldi berean, Gasterea elkarteak eta Gazteluleku elkarteak, IX. Tomate zaharraren lehiaketa egingo dute Geltokin. Antolatzaileek azaldu dutenez, lehiakide bakoitzak tomate zaharren (hibridoak ez direnen) 3 lagin aurkez ditzake gehienez, eta lagin bakoitzeko bi tomate aurkeztu behar dira. Laginak, 40 gehienez, inskripzio-ordenaren arabera zenbatuko dira. Izen-ematea eta erakusketen banaketa goizeko 10ak arte izango da Geltokin eta sari banaketa 13:30etan egingo da.

Eta, irailaren 5ean, merkatuaren aurreko ostegunean, EKOtopaketa ospatuko da. Topaketa hau tomateari ere eskainiko zaio, izan ere, eta Avenida/Olio Pizza Bar tabernako Julen Fernández eta Julen Urtasun sukaldariek hiru tomate plater prestatzen erakutsiko dute: tomatea gelatinarekin eta izotz-edaria, tartarra pestuarekin eta haragia bezala tratatua.