Biurdanako kirol pistak auzolanean konpondu eta Mundialito Antirrazista aurkeztu dute
Iruñeko Biurdanako parkearen kirol eremuaren egoera tamalgarria salatzeko eta neurri batean itxura berri bat emateko auzolana egin zuten larunbatean Mundialito Antirrazistaren antolatzaileek. Udalari hainbat konponketa egiteko eskaera egin dizkiote, baina momentuz erantzunik ez. Jokoaren azalera margotu eta egokitzea, komunak irekitzea, saski berriak eta sareak instalatzea eskatu diote. Bestetik, iragarri zuten irailaren 30ean eginen dela Iruñerriko II. Mundialitoa.
