Asteburu honetan burutuko dira Txantreako gazte topaketak
“Txantreako Gazte Eztanda!” izenpean, topaketek gazte elkargune gehiago sortu, proiektuak indartu eta gehiago sortu eta gazte mugimendu eraberritua lortzea dute helburu.
2017-ko ekainak 2
Gaur hasiko dira Txantreako Gazte Topaketak, “Txantreako Gazte Eztanda!” izenpean. Ikasturte oso lanaren ondorio dira auzoko gazte topaketak eta helburuak gazte espazio gehiago sortzea, proiektuak indartu eta berriak sortzea eta oro har gazteen beharrei zein Txantreako errealitateari egokitzen den gazte mugimendu eraberritua lortzea dira.
Txantrean jada gazte andana arlo ezberdinetan modu autogestionatu batean antolatzen direla oinarritzat hartu dute Gazte Topaketak antolatzeko eta proiektu eta ideia ezberdinak gazte mugimenduan antolatzekoa da topaketen asmoa. Auzoan gazte elkargune baten beharra ere landuko da, eta hari non eta nola forma eman.
Topaketak ostiralean eta larunbatean zehar izango dira eta proiektuak ezagutzeko eta elkarbanatzeko tarteak, ildokako eztabaidak, auzoko gazte memoria lantzeko tailerra, zirko ikuskizuna eta kontzertua egonen dira, besteak beste.
Gehiago
