ahötsa_

Dagoeneko bi urte pasa dira Goierrin, Itzan eta Sakanan AHTarendako zundaketak egin nahi zituztela jakin zenetik. Tarte honetan hiru zundaketa saiakera egin dituzte. “Hirurak beharrezko baimenik gabe eta legea argi eta garbi urratuz”, salatu du oposizioak. Herritarren eta udalen ekimenak “zundaketa ilegal hauek” geldiarazi baditu ere, hemendik aurrera legea betez egiten saiatuko direla aurreikusten dute “eta tinko egin beharko diegu aurre AHTaren lanen hasiera diren zundaketa hauek gelditu nahi baditugu”.

Azkenaldi honetan Iruñea Gasteizekin edo Ezkiorekin lotu behar ote den eztabaidan tematu dira hainbat alderdi politiko eta komunikabide nagusienak, baina Stop AHT Zundaketak ekimenak salatu du “lotura hori dagoeneko badagoela” betiko trenaren bidez, eta honen zerbitzuak “egunez egun apaltzen eta txartzen” doala .